Umuvugizi wa M23 mu bya gisirikare, Lt Col Willy Ngoma, yahishuye ibyo M23 igiye gukora nyuma yuko ihuriro ry’ingabo zirwana k’uruhande rwa Guverinoma ya Kinshasa, bishe abasivile muri Mweso, ho muri teritware ya Masisi, mu Ntara ya Kivu y’Amajyaruguru.
Ni k’u wa Kane, tariki ya 25/01/2024, ihuriro ry’Ingabo z’ubutegetsi bwa Kinshasa, zarashe ibisasu muri Mweso, bisiga bihitanye abasivile barimo abana n’abagore ndetse n’abagabo.
Lt Col Willy Ngoma, ubwo yatangaga ikiganiro kuri uyu wa Gatanu, tariki ya 26/01/2024, kuri channel ya Bwiza Tv, yahishuye iki giye gukurikiraho nyuma y’uko bariya basivile bishwe.
Willy Ngoma, yagize ati: “M23 igiye gukora ibishoboka byose kugira iriya mbunda yakoreshejwe mu kwica abasivile ifatwe . Nta bwo tuzihanganira abakomeza kuduhekurira abasirivile bo mu gihugu cyacu, oya.”
Lt Col Willy Ngoma, yavuze ibi, mu gihe umutwe M23 wasohoye itangazo rya magana ubwo bwicanyi bwa korewe Abasivile muri Mweso, n’itangazo ryashizwe ho umukono n’u muvugizi wa M23 mu bya politike, Lawrence Kanyuka.
Mur’iryo tangazo bagize bati: “Nyuma y’iki gitero hagaragaye ibi babaje, aho imirambo y’impinja, iy’abagore n’abagabo, yari iri ku mabaraza. Inzu, insengero n’amashuri byasenyutse.”
Itangazo rya M23 rigaragaza n’imibare yabaguye muri icyo gitero, rivuga ko “hishwe abasivile 20, abandi 17 barakomereka ndetse n’abandi benshi bava mu byabo.”
Itangazo rya M23 rishimangira rigira riti: “Bimaze ku garagara ko ubutegetsi bwa perezida Félix Tshisekedi bwa maze kunanirwa n’urugamba, bananiwe guhangana na M23, none abarwanyi babwo bahinduye ingendo bari kwica abasivile.”
Itangazo rikomeza rivuga ko M23 itahwemye kumenyesha imiryango Mpuzamahanga ubu bwicanyi bukorerwa abasivile kandi bakicwa n’ingabo za leta ya Kinshasa.
M23 ivuga ko ibi byose ari perezida Félix Tshisekedi ubiri inyuma, bityo ko akwiye kuryozwa ubu bwicanyi akorera Abaturage.
Basoje bavuga ko M23 ifite inshingano zo kurinda umutekano wa baturage ko kandi batazakomeza kurebera ibi byaha bikomeje kwisubiraho.
M23 ivuga kandi ko kiriya gitero ko ihuriro ry’Ingabo z’ubutegetsi bwa Kinshasa, zagikoze bakoresheje imbunda zirimo intwaro yo mu bwoko bwa Katiusha irasa kure ndetse n’indege zitagira abapilote zizwi nka drone.
Bruce Bahanda.
