Uzwiho gukunda Abanyamulenge yabaye Bourgmestre.
Ihuriro rya Alliance Fleuve Congo, AFC, ribarizwamo umutwe wa m23 n’uwa Twirwaneho, ryashyizeho abayobozi bashya ba ma komine atatu agize umujyi wa Bukavu ufatwa nk’umurwa mukuru w’i ntara ya Kivu y’Amajyepfo, muri abo bashyizweho barimo na Sumbu ukunda Abanyamulenge cyane.
Ni ku munsi w’ejo ku cyumweru amakomine atatu agize umujyi wa Bukavu yabonye abayobozi bashya.
Ayo makomine harimo iya i Banda yahawe kuyoborwa na Masumbuko Kwibe Alexis, aho yungirijwe na Hakuzimana Kanani Jonathan.
Nk’uko kandi itangazo ubuyobozi bwa AFC bwashyize hanze ribigaragaza nuko uwitwa Byamungu Casmir Emmanuel yagizwe Bourgoumestre wa komine ya Kadutu, yungirizwa na Bulikoliko Rene.
Mu gihe bwana Sumbu Socrate yagizwe Bourgmestre wa komine ya Bagira, aho nawe yungirijwe na Muhoza Shyaka Jean Marie ukomoka i Mulenge.
Sumbu wagizwe Bourgmestre wa komine ya Bugira, avuka mu bwoko bw’Ababangubangu, azwiho gukunda Abanyamulenge.
Ni mu gihe agira n’umurara yiyita wa Banyamulenge, kuko avuga ko ari “Umusegege.” Ubundi kandi azwi kuba yarafashije Abanyamulenge bazaga kwivuriza i Bukavu. Aba akaba ari ababaga barakomereye ku ntambara.
Si byo gusa kuko afite n’ibindi bikorwa byinshi afasha muri m23 no muri Twirwaneho.
Ikigeretseho avuga ko umugore bazubakana azava muri ubu bwoko bw’Abanyamulenge kandi ko ari Umunyabyinshi.
