Abanyekongo bakuwe mu byabo kubera intambara basabwe gusenga Imana cyane kubagarurira Joseph Kabila Kabange ku butegetsi.
Ni mu kiganiro Olive Lembe yagiranye n’abaturage bo mu bice byo muri Kivu y’Amajyaruguru baheruka kuvanwa mu byabo kubera intarambara ihanganishije M23 n’igisirikare cya leta ya perezida Félix Tshisekedi.
Iki kiganiro Olive Lembe yagikoze ahar’ejo, tariki ya 02/04/2024 i Goma, ku murwa mukuru w’i Ntara ya Kivu y’Amajyaruguru.
Yagize ati: “Mu sabwe gusenga cyane kugira ngo Imana ibagarurire Joseph Kabila Kabange, ku butegetsi bw’i Kinshasa. Joseph Kabila Kabange niwe wenyine wabashe kugarura amahoro akoresheje ikaramu, mu gihe cy’u buyobozi bwe.”
Ibi kandi byagarutsweho n’umujyanama wa Joseph Kabila mu byapolitike, bwana Barbara Nzambi, aho yavuze ko Kabila Kabange ari ngombwa kugaruka ku butegetsi.
Ati: “Ni ngombwa rwose ko Joseph Kabila Kabange agaruka ku butegetsi. Ubutegetsi bwa Tshisekedi ni ubutegetsi bw’i gitugu kandi butandukanye n’ubwa Joseph Kabila. Erega Joseph Kabila ni umudemokarate.”
Yongeye ho kandi ati: “Kuri ubu butegetsi bwa Tshisekedi nta cyiza tubwitezemo muri iki gihugu cyacu cyiza. Nta kabuza Joseph Kabila agomba kugaruka.”
Kuva Félix Tshisekedi ageze ku butegetsi intambara zahise zinjira maze gusubiranamo kwa moko bihabwa intebe ahanini mu Burasirazuba bwa RDC.
Urwango rushingiye ku moko byahawe umwanya kandi bishigikirwa n’abanyapolitike bari hafi ya Tshitambwe, abarimo ba Bitakwira Justin n’abandi aho bakangurira amoko y’Ababembe, Abapfulero n’abandi kwica no kugirira nabi Abatutsi mu Burasirazuba bwa Repubulika ya demokarasi ya Congo.
MCN.
