Mutualite y’Abanyamulenge baturiye i Mbarara muri Uganda, batoye ubuyobozi, ariko havuka akandi gashamyi.
Igihe c’isaha z’igicamunsi cyo kuri uyu wa Mbere tariki ya 08/07/2024, Abanyamulenge baturiye i Mbarara mu gihugu cya Uganda batoye ubuyobozi bwabo, bubafasha kwiyegeranya no gufashyanya mu gihe cy’ibibazo.
Nk’uko iyi nkuru tuyikesha abaturiye ibyo bice, ivuga ko “Frank Mine ariwe wongeye gutorerwa kuyobora iyi Mutualite y’Abanyamulenge i Mbarara, kandi ko yatowe ku bwiganze bwamajwi menshi, ku bayitabiriye.”
Robert Gatanazi wahoze n’ubundi yungirije Frank Mine muri manda ya mbere, yongeye gutorerwa uwo mwanya.
Ay’amatora y’itabiriwe n’abantu batari bake, nk’uko bigaragazwa n’ubutumwa bwa mashusho bwahawe Minembwe Capital News, aho bugaragaza abantu bakubise buzuye i salle yabereyemo icyo gikorwa cy’amatora. Kandi ay’amashusho agararamo abagabo bakuze, ndetse n’abakiri bato.
Ay’amatora ya Mutualite abaye mu gihe hari imwe mu miryango iyigize, ya yanenze, ikaba yari yifuzaga ko Frank Mine atongera kwiyamamaza. Ibi byatumye Mine aba umukandida umwe rukumbi.
Frank Mine amaze imyaka irenga ine ayoboye Mutualite y’Abanyamulenge i Mbarara. Harimo imyaka ibiri yamaze ari visi perezida aho yari yungurije Jaques Muhizi, ari nawe yaje gusimbura kuri uwo mwanya.
Atowe mu gihe, yari arangije manda y’imyaka ibiri.
Hagati aho, amakuru ava muri ibyo bice, avuga kandi ko “nyuma y’uko byari bimaze gutangazwa ko Frank Mine yongeye gutorerwa kuyobora Mutualite y’Abanyamulenge i Mbarara, ubwo byahise bitangira guhwihwiswa ko havutse irindi shyamyi ryi yise “Shikama Mbarara Mutualite.”
Ndetse bivugwa ko “ir’ishamyi rya maze kurema urubuga rwa Whatsapp ruzabafasha gutambutsa ibintu byabo.”
MCN.