Umubare w’abantu bari kwicwa n’ibiza mu gihugu cya Ethiopia ukomeje kwiyongera.
Abagera ku 157 nibo bamaze kumenyekana ko bahitanywe n’umusozi waridutse mu karere ka Kancho Shasha Gozdi gaherereye mu majyepfo y’iki gihugu cya Ethiopia, bivugwa ko abarimo gupfa umubare ukomeje kwiyongera.
Guverineri w’iyi Ntara yabereyemo uko kuriduka kw’i misozi, Dagmayi Ayele yavuze ko abahitanwe n’iki kiza biganjemo abana n’abagore batwite.
Avuga kandi ko ibi biza ko byatangiye mu Cyumweru gishize. Yanavuze ko ku wa mbere imibare yagaragaza ko abambuwe ubuzima n’iki kiza ari 55, ariko nyuma y’uko ibikorwa byo gushakisha imibiri munsi y’ubutaka, bigikomeje, mu gitondo cyo kuri uyu wa Kabiri ababuze ubuzima bari bamaze kuba abantu 157.
Byanavuzwe kandi ko abantu batanu ari bo batabawe basanga baracyarimo guhumeka, ariko Kassahun Abayneh ushinzwe itumanaho mu gace ka Gofa, yabwiye itangaza makuru ko amahirwe yo gutabara ababa bakiri bazima ari kugenda ayoyoka, ahubwo imibare y’ababuze ubuzima yo ishobora gutumbagira ikaba yanakwikuba kabiri.
Muri uku kwezi kwa karindwi, iki gihugu cya Ethiopia gikunze kwibasirwa n’ibiza, ahanini imisozi niyo ikunze gukunduka, kandi bikaba biva ku mvura idasanzwe ikunze kugwa ari ninshi muri ay’amezi.
Bivugwa ko iy’imvura izihagarara mu kwezi kwa Cyenda yatangiye kugwa mu ntangiriro z’uku kwezi kwa karindwi.
MCN.
