Mu Kigazura havuzwe igitero cyagabwe ku bacukuzi ba mabuye y’agaciro.
Ni igitero cya kozwe ku munsi w’ejo hashize, itariki ya 1/09/2024, aho cyagabwe mu bice byo mu Kigazura ahacukurwa amabuye y’agaciro, nk’uko amakuru ava muri ibyo bice abivuga.
Amasoko yacu avuga ko iki gitero cyagabwe ku kirombe cya na Kahembe ho muri Kigazura, cyakozwe igihe c’isaha zine z’igitondo cyo kuri iki Cyumweru.
Kigazura ibarirwa muri Grupema y’Abasimukinji, ho muri Secteur ya Itombwe, teritwari ya Mwenga, mu ntara ya Kivu y’Amajy’epfo. Aha akaba ari mu misozi miremire y’Imulenge.
Minembwe Capital News, yamenye amakuru ko iriya kariyeri ya na
Kahembe isanzwe icukurwamo amabuye y’agaciro, iki gitero cyayigabwemo, cyasize kiyisenye ndetse n’abacukuraga ay’amabuye y’agaciro bamburwa utwabo.
Muri bimwe aba bacukuzi ba mabuye y’agaciro bambuwe, birimo amafaranga, imyambaro yabo, ndetse n’amwe mu mabuye y’agaciro bari bahacukuye.
Gusa, nta mubare nyawo w’ibyasahuwe wigeze utangazwa, usibye kuvuga ko abacukuzi b’amabuye y’agaciro bo muri Kigazura basahuwe ibirimo amafaranga, amabuye y’agaciro, n’ibindi. Ariko byavuzwe ko abagabye iki gitero ko ari imitwe y’itwaje imbunda irimo Maï Maï n’indi mitwe iyishamikiyeho.
Ibi bikozwe mu gihe kandi akarere k’i Mulenge kari kongeye kubamo umutekano muke, nyuma y’uko ku wa Gatanu w’iki Cyumweru gishize, Maï Maï yakozanijeho na Twirwaneho.
Iri kozanyaho rya Maï Maï na Twirwaneho ryabereye muri Bicumbi hatari kure ya Zero, mu birometero nka 4 uvuye muri centre ya Minembwe.
Amakuru yatanzwe kuri uwo wa Gatanu, yaje avuga ko Twirwaneho muri iyo mirwano yirukanye imitwe yitwaje intwaro ya Maï Maï, ndetse kandi isenya ibitunda byayo byari byubatse mu bisambu byaha muri Bicumbi.
MCN.
