Rwambikanye mu Kibaya cya Rusizi hagati ya m23 n’ihuriro ry’ingabo za Congo.
Mu Kibaya cya Rusizi muri teritware ya Uvira mu ntara ya Kivu y’Epfo, muri iki gitondo cyo kuri uyu wa kane, tariki ya 27/02/2025, habyukiye imirwano iremereye, aho ihanganishije ihuriro ry’ingabo za Repubulika ya demokarasi ya Congo n’umutwe wa m23 ugize igihe ujegajeza ubutegetsi bw’i Kinshasa.
Imirwano iri kubera mu duce twinshi two muri iki Kibaya cya Rusizi, harimo agace ka Luvungi, Katogota, Itara, Mirungu n’utundi duce two muri ibyo bice.
Amakuru avuga ko abarwanyi bo muri m23 bari gukubita kubi ihuriro ry’ingabo zirwana ku ruhande rwa Leta, kuko abari muri ibyo bice bavuga ko abarimo iri huriro rigizwe n’ingabo z’u Burundi, FARDC, FDLR na Wazalendo bari guhunga cyane berekeza i Uvira.
Ati: “M23 ishoreye ihuriro ry’ingabo za Congo, ririmo gukizwa n’amaguru rihungira i Uvira.”
Ni mu gihe aka gace ki Kibaya cya Rusizi gaherereye mu ntera itari ndende uvuye mu mujyi wa Uvira.
Imirwano hagati y’izi mpande zombi zihanganye, yaherukaga ubwo abarwanyi b’uyu mutwe wa m23 bafataga centre ya Walungu.
Iyi mirwano ibaye mu gihe u Burundi bwari bwaraye bucyuye abapolisi ba Congo bari barahungiye mu gihugu cyabo bavuye i Uvira no muri ibi bice byo mu Kibaya cya Rusizi.
Nk’uko amakuru abivuga nuko abapolisi bacyuwe bagera kuri 600.
Aya makuru agira ati: “Abapolisi ba Congo bagera kuri 600 bari barahungiye ku kibuga cy’umwami i Murambya(hagati mu Burundi), basubijwe i Uvira mu ntara ya Kivu y’Epfo.”
Ni amakuru anavuga ko ibyo gucyura aba bapolisi byakozwe mw’ibanga rikomeye hagati y’u Burundi na Congo.
Nyamara ikitaramenyekana ni uko aba bapolisi boba barashubijwe imbunda n’imodokari zabo binjije muri iki gihugu, kuko ubwo binjiraga babyatswe byose.
Mu gihe m23 yafata iki Kibaya cya Rusizi, nta gushidikanya yahita yinjira no mu mujyi wa Uvira n’ubundi bariya bari barahungiye i Burundi bakongera bakabuhungiramo.
Ikindi nuko umujyi wa Uvira wakunze kuvugwamo ubwicanyi bukorerwa Abanyamulenge, aho Leta y’iki gihugu n’abakorera mu kwaha kwayo babatoteza bakanabica, kubera isura yabo n’ururimi bavuga rw’ikinyamulenge rufitanye isano ryahafi n’ikinyarwanda.
Kimwecyo nta gice na kimwe m23 yari yahanganiramo n’uruhande rwa Leta y’i Kinshasa ngwibure ku gifata.
Mbere yuko aba barwanyi ba m23 bafata centre ya Walungu yavuzwe haruguru bari babanjye gufata Kamanyola, iyo nayo bafashe nyuma yogufata umujyi wa Bukavu.