Bidasanzwe mu Masango ahahoze ari birindiro bikomeye by’inyeshamba ziharanira kuzarimbura Umunyamulenge hateguwe ibiganiro bizahuza amoko yose aturiye i Ndondo ya Bijombo na Rurambo homuri teritware ya Uvira, mu Ntara ya Kivu y’Amajy’epfo.
N’ibiganiro bizaba tariki 08 ukwezi kwa 12 uyu mwaka w’ 2023. Bikazabera muri Localité Masango, Grupema ya Bijombo. Nk’uko Iy’inkuru imaze kugera kuri Minembwe Capital News, yemeza ko biriya biganiro bizaba bigamije gushakira akarere k’imisozi miremire y’i Mulenge Amahoro.
Byamaze kumenyekana neza ko biriya biganiro bizatabirwa n’abaturiye Grupema ya Bijombo ( Abanyamulenge, Ababambe, Abanyintu, Abavira n’Abapfulero…).
Muribamwe bateguye ibi biganiro babwiye Minembwe Capital News, ati: “Intego nyamukuru n’ukwigira hamwe inzira yagarukana amahoro n’ubwiyunge mu moko aturiye grupema ya Bijombo, kw’irinda ibyateza intambara hagati y’amoko aturiye grupema ya Bijombo ndetse no kwigira hamwe ibimaze kugerwaho murwego rwo kugarukana ubwiyunge n’ubwumvikane hagati y’amoko aturiye aka karere.”
Tubibutseko izi gahunda z’ibiganiro arizo zatumye akarere ka Bijombo gatera intambwe mubijanye no kugarura amahoro, aho twovuga nko kurema kw’amasoko yari yarapfuye ( isoko ya Kane yo kuri Mbundamo na Gatanda yarimaze imyaka myinshi itarema ndetse n’Isoko y’Iposho yo mw’Ishenge..) harimo no guhesha abungeri b’abanyamulenge inzuri z’Inka nka Gatanga, Mitamba, Mukumba, icyo hagati cyose kugeza ku Kabara, kwongera kandi gusibura inzira zihuza akarere ka Bijombo n’utundi turere, aho twovuga nk’inzira zija mu Minembwe unyuze mu Mikenke, inzira zija i Gahololo muri Rurambo unyuze mu Masango..
Bikaba byavuzwe ko ibiganiro bizayoborwa n’ingabo za Leta ya Congo Kinshasa ( FARDC) hamwe n’ingabo z’u Burundi ( FNDB) zihuriye mucyiswe TAFOC.
Ibyo biganiro kandi bizitabirwa n’abatware ba Moko yose aturiye grupema ya Bijombo duhereye k’umuyobozi wa Grupema ya Bijombo bwana RWIGINA Rwizihirwa n’abandi benshi bazaza bamuherekeje.
Bruce Bahanda.
