I Mulenge: Imirwano hagati y’ingabo z’u Burundi na Red-Tabara yavuzwemo amacenga.

I Mulenge: Imirwano hagati y’ingabo z’u Burundi na Red-Tabara yavuzwemo amacenga.

Ingabo z’u Burundi zirwanya inyeshamba za Red-Tabara mu misozi miremire y’Imulenge muri Kivu y’Amajy’epfo, zashinjwe guha ubufasha bujanye n’ibya gisirikare uyu mutwe bahanganye urwanya Leta yabo wa Red-Tabara.

Ni amakuru yashyizwe hanze n’abarwanyi b’uyu mutwe wa Red-Tabara baheruka gufatwa amatekwa, mu mirwano yabaye ku wa Gatandatu w’iki Cyumweru dusoje, aho bari bahanganye na Wazalendo. Abafashwe ni abantu 17, nk’uko Wazalendo babitagaje.

Ubwo basambishwaga imbere ya Wazalendo (Maï Maï), umwe muri aba bafashwe matekwa, yavuze ko ingabo z’u Burundi arizo zibaha umusaada w’imbunda n’uw’amasasu.

Gusa, ibi ntacyo ingabo z’u Burundi zibarizwa muri ibyo bice byo muri teritware ya Mwenga zirabivugaho.

Imirwano iz’inyeshamba za Red-Tabara zafatiwemo yari yabereye mu majyepfo ashyira uburenganzuba bwa Gipupu, nko mu birimetero 7 uvuye muri centre ya Gipupu.

Mu mpera z’ukwezi kwa munani uyu mwaka, nibwo ibitero bikaze byagabwe ku nyeshamba za Red-Tabara.
Zabigabwagaho n’ingabo z’u Burundi ku bufatanye n’ingabo za Republika ya Demokarasi ya Congo (FARDC) na Wazalendo.

Nyuma aba barwanyi ba Red-Tabara baje guhungira mw’ishyamba rya Rungurungu nk’ahitwa Kibitingingi n’utundi duce duherereye muri utwo duce.

Imyaka igiye kuba ibiri n’igice ingabo z’u Burundi ziri mu misozi miremire y’Imulenge, mu ntara ya Kivu y’Amajy’epfo, ku masezerano yabaye hagati y’abakuru b’ibihugu byombi, Evariste Ndayibatuye na mugenzi we Félix Tshisekedi.

Iz’ingabo z’u Burundi zikigera muri Kivu y’Amajy’epfo zavanzwe n’iza Repubulika ya demokarasi ya Congo, zihabwa izina rya TAFOC.

Ahanini ubu bufatanye bugamije kurwanya imitwe y’itwaje imbunda irwanya ubutegetsi bw’u Burundi ikorera muri ibyo bice byo muri Kivu y’Amajy’epfo. Ariko urebye nta kinini gihambaye zirakora muri iyi myaka irenga ibiri zimaze zirwanya iz’inyeshamba.