Imirwano ikomeye yongeye kubera mu nkengero za centre ya Kanyabayonga, ho mu Ntara ya Kivu y’Amajyaruguru, mu gihugu cya Repubulika ya demokarasi ya Congo.
Ni imirwano yabaye kuri uyu wa Gatatu, ikaba yarimo ihuza M23 n’ihuriro ry’Ingabo zirwana ku ruhande rwa leta ya Kinshasa, FDLR, FARDC, ingabo z’u Burundi, abacanshuro, Wazalendo na SADC, nk’uko iy’inkuru tuyikesha abaturiye ibyo bice.
Iyi mirwano ikaba yatangiye igihe c’isaha ya saa tanu z’igitondo, iza gukomeza amasaha y’igicamunsi, bigeze amasaha y’u mugoroba urugamba ruza gukara.
Nk’uko iyi inkuru ibivuga n’uko abarwanyi ba M23 bayobowe na Gen Sultan Makenga barimo barwanira mu ntera y’ibirometre bine uvuye muri centre ya Kanyabayonga.
Nanone kandi mu bice biri hafi y’iyi centre ya Kanyabayonga nabyo byabereyemo urugamba rukaze, nka hitwa Bulindi na Luke, haherereye mu birometre 12 niyi centre ya Kanyabayonga.
Aba baturage baturiye ibyo bice babwiye Minembwe Capital News ko mu mirwano yari ihanganishije M23 n’iri huriro ry’Ingabo z’ubutegetsi bwa Kinshasa yumvikanyemo imbunda ziremereye n’izito, ndetse kandi ngo yaguyemo abasirikare benshi bo ku ruhande rwa leta ya Kinshasa. Gusa, nta mubare nyawo watangajwe waba waguyemo iz’i ngabo zo ku ruhande rwa leta ya Kinshasa.
Iy’i mirwano ibaye mu gihe ku munsi w’ejo hashize hari hiriwe ituze mu bice byinshi byo muri teritware ya Masisi, Rutshuru na Nyiragongo.
MCN.
