Muri Lubero imirwano ikaze yongeye kubura.
Imirwano ikomeye yongeye kubura mu ijoro ryaraye rikeye rishyira kuri uyu wa gatatu tariki ya 14/01/2025 muri teritware ya Lubero nyuma y’iminsi itari mike hatuje.
Nk’uko amakuru aturuka muri iyi teritware ya Lubero abitangaza imirwano ikomeye yabereye mu mavillages aherereye mu majy’epfo y’iyi teritware nka hitwa Kamandi Gite n’ahandi.
Amakuru y’ibanze yo ahamya ko iyo mirwano yabaye hagati ya M23 n’ihuriro ry’Ingabo zirwana ku ruhande rwa Leta muri ako gace kavuzwe haruguru yatangiye igihe c’isaha ya saa tatu z’ijoro ryaraye rikeye.
Usibye kuba iyi mirwano yaratangiriye mu gace ka Kamandi Gite yanabereye kandi ahitwa i Kibanda, mu birometero nka 60 uvuye muri centre ya Lubero. Aya makuru avuga ko habaye iturika ridasanzwe ry’intwaro aho harimo humvikana n’ibibomba bikomeye bitera umushitsi ku butaka.
Ibi biturika kandi byumvikanye no murukerera rwo kuri uyu wa gatatu i Kayna na Kirumba byo muri iyi teritwari ya Lubero.
Ahandi havuzwe imirwano iremereye ni ahitwa Luofu no mutundi duce duherereye mu byaro bya Kirumba.
Ibyaya makuru byemejwe kandi n’inzego zishinzwe umutekano muri ibyo bice, ndetse zinahamya ko umutwe wa M23 wakomeje ibirindiro byawo ndetse unagira n’utundi duce wigarurira muri utwo twabereyemo imirwano.
