Muri RDC icyorezo gikaze gikomeje kuhazonga.
Muri Repubulika ya demokarasi ya Congo hakomeje kwibasirwa n’icyorezo cy’ubushita bw’inkende, bivugwa ko butesheje ababurwaye mu buryo bukabije.
Ibi byatangajwe na minisiteri y’ubuzima y’iki gihugu cya RDC, yamenyesheje ko abantu 127 barwaye iki cyorezo cy’ubushita bw’inkende hagati ya tariki ya 29 na 29 z’ukwezi gushize.
Iyi minisiteri ivuga ko abibasirwa cyane n’ubu bushita bw’inkende ahanini bari mu myaka iri hagati ya 15 na 34 y’amavuko.
Mu mwaka ushize ishirahamwe ry’abaganga batagira imipaka(MSF) batangaje ko abantu 654 ari bo bamaze kwicwa n’icyorezo cy’ubushita bw’inkende muri Congo.
RDC ivuga ko kuva muri 2024 kugera muri uku kwezi kwa karindwi turimo abantu 89.109 bamaze kugaragarwaho ubwo bushita. Naho abagera kuri 603.338 bamaze gukingirwa iki cyorezo gifatwa nk’igikaze.
Minisiteri y’ubuzima kandi ivuga ko igikomeje ibikorwa byo kugenzura abantu bamaze kwandura ubu burwayi hirindwa ko yakwandukira.
Nyamara iki cyorezo cy’ubushita cyatangiye kugaragara muri RDC kuva muri 2023, kuko cyagaragaye mu ntara ya Kivu y’Epfo, iyaruguru, mu mujyi wa Kinshasa, Kasai, Tshop, Tanganyika, Haut-Katanga na Mai-Ndombe.
