Mu mirwano yabaye ku munsi w’ejo byarangiye abo kuruhande rwa leta ya Kinshasa bakijijwe n’amaguru.
Ni mirwano yasakiranije ingabo za FARDC n’abambari bayo mu gace ka Kivuye ko muri teritware ya Masisi ni Kibumba muri teritware ya Nyiragongo, mu Ntara ya Kivu y’Amajyaruguru.
Amakuru avuga ko urugamba rwa bereye i Kivuye rwa tangiye mu rukerera rwo kuri uyu wa Gatandatu, tariki ya 23/03/2024, mu gihe i Kibumba ho rwa tangiye ahagana mu masaha ya saatanu z’igitondo.
Ni hagati y’ihuriro ry’ingabo za FARDC, FDLR, Wazalendo, abacancuro na SADC nabo bahanganye aribo M23.
MCN yabwiwe ko ku ruhande rw’i Kivuye FARDC n’abo bafatanya kurwanya M23 barahunze bakwira imishwaro ibyo bice biza gusigara byigaruriwe na M23.
Sosiyete sivile yo muri teritware ya Nyiragongo ihamya ko i Kibumba havugiye imbunda zikomeye ko kandi ako gace uruhande rwa leta ya Kinshasa barimo barwana ugupfa no gukira ni mugihe ibyo bice biri mu nkengero z’u Mujyi wa Goma.
Iyi Sosiyete sivile ikomeza ivuga ko M23 ko yabanjye kurushwa imbaraga mu masaha abanza ariko nyuma iza kw’irwanaho maze ingabo za FARDC n’abambari babo bayabangira ingata.
Gusa ubuyobozi bwa M23 bushinja Monusco guha ubufasha ingabo za leta bikarangira bwa bufasha burashe mu baturage rwa gati. Ibyo bikangiriza ibya baturage.
Umuvugizi wa M23 mu bya politike, Lawrence Kanyuka yakoresheje urubuga rwe rwa X, agira ati: “Ubutegetsi butemewe bwa Kinshasa bugomba gukurikiranwa ku byaha byo mu ntambara no kwibasira ikiremwa muntu.”
Amakuru avuga ko M23 nyuma y’i mirwano y’ejo hashize, ikigenzura Kivuye n’udosozi twose tuyikikije yirukanyeho ingabo za leta zari zimaze igihe zihagenzura.
Tubibutsa ko imirwano yabaye kuri uyu wa Gatandatu mu gihe no ku wa Kane ndetse no k’uwa Gatatu, muri iki Cyumweru turimo hari habaye imirwano ikaze, yasize M23 y’igaruriye ibice byo muri Grupema ya Bashali -Mukoto nka Kirumbi, Gyagoro na Kalengera.
M23 ikaba yarongeye gusezeranya abaturage ko ingabo z’uwo mutwe zizarinda abaturage n’ibyabo ko kandi bazakora ibishoboka bakavanaho ubutegetsi bubi.
MCN.
