Abasirikare ba FARDC bazwi nk’i bitangaza ku rugamba, abasaga 50 bo muribo bahasize ubuzima mu mirwano ikomeje mu nkengero za Kanyabayonga, aho bahanganye n’umutwe wa M23.
Ni abarwanyi badasanzwe bo mu ngabo za Repubulika ya demokarasi ya Congo, bazwi nka “Hiboux” bapfiriye mu ntambara igize iminsi ibera mu duce dukikije centre ya Kanyabayonga, nk’uko iy’inkuru tuyikesha abaturiye ibyo bice.
Bivugwa ko ingabo za M23 zigize igihe zihangayikishije ubutegetsi bwa perezida Félix Tshisekedi, zanyarutse maze zinjira mu mujyi wa Kanyabayonga, ndetse zigira n’agace ku yu mujyi zifata, nyuma y’uko abasirikare benshi bo muri Hiboux bo ku ruhande rwa FARDC bari bamaze kuhasiga ubuzima.
Aba baturage banabwiye MCN ko abasirikare bo mu mutwe wa Hiboux ko ahanini baguye mu mirwano yabereye ku mihanda ibiri, M23 yari maze ku bohoza yinjira muri Kanyabayonga, ari yo uva i Rwindi n’uturuka i Kibirizi.
Iy’imihanda ibiri ikaba yari rinzwe mu buryo budasanzwe, irinzwe na Hiboux hamwe n’izindi ngabo zirwana ku ruhande rwa leta ya perezida Félix Tshisekedi.
Nubwo biruko ariko ingabo za SADC zirwanirira leta ya Kinshasa ziracyagenzura umuhanda umwe winjira muri Kanyabayonga uhuza Kaïna na Butembo.
Amakuru ava muri ibyo bice avuga ko ihuriro ry’Ingabo za RDC ko zikomeje gutera ibisasu biremereye ariko zikabyohereza buhumyi.
Kandi ko iri huriro riri kurasisha ibibunda byo mu bwoko bwa Kateusha, BM, Saba Saba n’izindi bifashisha barasa mu ntera ndende.
Ku mugoroba w’ejo hashize ahagana isaha ya saa kumi, abasirikare ba FARDC n’abambari bayo bakoresheje imbuga zarutura, maze M23 iza kubarasa ikoresheje drone irasamo barindwi bakoreshaga izo mbunda z’ibifaru.
Ni mu gihe kandi abasirikare ba FARDC, FDLR, Wazalendo, ingabo z’u Burundi, abacanshuro, na SADC, ku Cyumweru gishize bapfushije abagera kuri 40 isaga.
Gusa kugeza ubu uruhande rwa leta ruracyatangaza ko rukigenzura umujyi wa Kanyabayonga, nubwo hari agace kayo kamaze kuja mu maboko ya M23.
Abaturage bakomeje bavuga ko M23 isigaje gufata umujyi wose, ariko ko ibindi bice byose ibifite.
Kandi amakuru avuga ko M23 ikomeje kurusha cyane imbaraga abarwanirira ubutegetsi bwa perezida Félix Tshisekedi.
Mu Cyumweru gishize nibwo ingabo z’u muryango w’Abibumbye, Monusco, nazo zinjiye mu mirwano kugira ngo zifashye ihuriro ry’Ingabo za Guverinoma ya Kinshasa (Wazalendo, FDLR, FARDC, ingabo z’u Burundi, abacanshuro na SADC).
Iy’i mirwano ikomeye yo gufata centre ya Kanyabayonga imaze iminsi irenga icumi ibera muri ibyo bice. M23 imaze kuyifatamo ibice byinshi ibyambura iri huriro ry’ingabo za RDC.
MCN.
