Ubuyobozi bw’u mutwe wa M23 bwanyomoje ibikomeje gutangazwa n’ingabo z’u butegetsi bwa Kinshasa ko hari ibice ryambuye M23.
Ni ibikubiye mu butumwa umuvugizi wa M23 mu bya politiki, Lawrence Kanyuka yashize hanze akoresheje urubuga rwa x.
Ubutumwa bwa Lawrence Kanyuka buvuga ko intsinzi yatangajwe n’ubutegetsi bwa perezida Félix Tshisekedi ko hari ibice ingabo z’igihugu za mbuye M23 ari ikinyoma cya mbaye ubusa.
Avuga ko kandi iri huriro ry’ingabo za Guverinoma ya Kinshasa zitarigera zibambura habe byibuze n’agace kangana na santimetre imwe.
Ubu butumwa bukomeza buvuga ko kuva intambara zubura hagati ya M23 n’ihuriro ry’Ingabo zirwana ku ruhande rwa leta ya Kinshasa nta gace nagato iri huriro ryari ryigera rya mbura M23 hubwo uyu mutwe niwo wagiye wa mbura iri huriro kugeza magingo aya.
Mu matangazo y’ubuyobozi bw’i ngabo za Repubulika ya demokarasi ya Congo mu Ntara ya Kivu y’Amajyaruguru akomeje guca ku mbuga nkoranya mbaga avuga ko M23 yambuye ibice byinshi harimo ko ayo matangazo agaragaza ko bambuwe agace ka Rubaya n’utundi duce two muri teritware ya Masisi.
Ibi nibyo umuvugizi wa M23 mu bya politiki, Lawrence Kanyuka yanyomoje hubwo agaragaza ko umutwe wa M23 wamaze kwinjira mu Ntara ya Kivu y’Amajy’epfo.
Yanaboneyeho umwanya agaragaza ko ibice bigenzurwa na M23 ko biri mu mutekano mwiza ko kandi abaturage babayeho neza.
Ubu butumwa busoza buvuga ko ihuriro ry’Ingabo z’ubutegetsi bwa Kinshasa bukomeje guhonyora uburenganzira bwa muntu kandi ko rigomba ku biryozwa.
MCN.
