Mugihigu cya Angola, harateranira inama ihuza imiryango ine(4), ikaba iza kwiga kukibazo c’Umutekano muke muburasirazuba bwa Republika ya democrasi ya Congo.

I Luanda, kumurwa mukuru wa Angola, haraza guteranira inama ihuza imiryango itandukanye irimo EAC,ECCAS, CIRGL na SADEC, aho baza kuganira kukibazo c’Umutekano muke urimuri RDC.

Yanditswe na: Bruce Bahanda, kw’itariki 27/06/2023, saa 1:00pm, kumasaha ya Bukavu na Minembwe.

Nikuruyu wa kabiri, imiryango itandukanye iribuze guhurira i Luanda homuri Angola. Bakaba bari buganire kukibazo c’Umutekano muke ukomeje kuzamba Muburasirazuba bwa Republika ya Democrasi ya Congo.

Muriyo miryango iribuze guhura I Luanda, harimo uwa EAC, ECCAS, CIRGL na SADEC. Mubihugu byitabira harimo na Republika ya Democrasi ya Congo, Afrika y’Epfo, Kenya ndetse nu Burundi, nkuko tubikesha Ikinyamakuru cya Media Congo. net.

Kuwa mbere wicyumweru gishize, Abaminisitiri b’ibihugu bigize iyi miryango y’uturere bari mu biganiro mu rwego rwo guhuza no kwemeza inyandiko nitangazo rya nyuma ryemeza iyi nama.

Nk’uko amakuru ava mu bantu begereye Perezidansi ya Congo avuga, kuba inama y’ab’Aminisitiri yaratwaye igihe kirekire kuruta uko byari byitezwe, byatewe no kutumvikana ku gishushanyo mbonera kigomba gukurikizwa kugira ngo amahoro agaruke mu burasirazuba bwa Republika ya democrasi ya Congo.

Intumwa za Congo i Luanda zigizwe na Minisitiri w’intebe wungirije akaba na minisitiri w’ububanyi n’amahanga, Christophe Lutundula, Minisitiri w’intebe wungirije w’ingabo, Jean-Pierre Bemba na Minisitiri w’ubufatanye bw’akarere, Mbusa Nyamwisi.