Umukuru w’igihugu cya Repubulika ya demokarasi ya Congo, Félix Tshisekedi yagize icyavuga nyuma y’uko habaye impanuka y’ubwato yahitanye abantu benshi muri iki gihugu cya RDC.
Ni bikubiye mu butumwa ibiro bya perezida wa Repubulika ya demokarasi ya Congo, Félix Tshisekedi Tshilombo byashize hanze bikoresheje urubuga rwa x, kuri uyu wa Gatatu w’ejo hashize.
Ubwato bwakoze impanuka bwarohamye mu mugezi uzwi nka kwa, uherereye mu Birometre 70 uvuye mu mujyi wa Mushie ho mu Ntara ya Maï-Ndombe, mu majyepfo y’u mujyi wa Kinshasa.
Ubwo butumwa bwasohowe n’ibiro bya perezida wa RDC, buvuga ko Tshisekedi yababajwe n’impanuka y’ubu bwato yahitanye abantu barenga 85.
Ubutumwa bugira buti: “Umukuru w’igihugu yihanganishije imiryango ndetse n’inshuti z’aburiye ababo mu mpanuka. Kandi arasaba inzego zishinzwe gufata ingamba ko zikwiye gufasha aba bantu bose bagizweho ingaruka n’aka kaga.”
Ubutumwa bukomeza buvuga kandi buti: “Perezida Félix Tshisekedi yategetse ko hakorwa iperereza rigamije kumenya impamvu nyayo zateye aka kaga gakomeye kandi kababaje ndetse no kwirinda ko ibi byazongera kuba ukundi.”
Ubu bwato bwakoze impanuka bwarimo abagenzi 271 berekezaga i Kinshasa, aho bwaje kurohama bitewe no kuba moteri yabwo yapfuye buri kugenda.
Abantu 86 mu bari muri ubu bwato, bahise bahasiga ubuzima, mu gihe abandi 185 babashije kogo ba basha ku rokoka.
MCN.
