Ingabo za leta ya perezida Félix Tshisekedi Tshilombo, zongeye gukizwa n’amaguru mu rugamba rubyukiye mu Ntara ya Kivu y’Amajyaruguru.

Intambara ikomeye yongeye kubura kuri uyu wa Gatanu, tariki ya 26/04/2024 hagati ya M23 n’ihuriro ry’Ingabo za Guverinoma ya Kinshasa.

Ni imirwano iri kubera mu bice byo muri teritware ya Masisi na Rutshuru, nk’uko iy’inkuru tuyikesha amasoko yacu.

Iyi mirwano yatangiye igihe c’isaha z’igitondo cyakare cyo kuri uyu wa Gatanu. Amasoko yacu avuga ko urwo rugamba rwabereye mu gace ka Rwindi ho muri teritware ya Rutshuru. Indi mirwano yabereye mu bice bya Kironko, muri teritware ya Masisi mu Ntara ya Kivu y’Amajyaruguru.

Nk’uko Minembwe Capital News yabwiwe ay’amakuru n’uko ibi bitero byatangijwe n’ihuriro ry’Ingabo zirwana ku ruhande rwa leta ya Kinshasa, ariko ko M23 muri aka kanya imaze gusubiza ibi bitero inyuma ndetse ko ingabo za FARDC n’abambari bayo bamaze guta ibikoresho byinshi bya gisirikare birimo n’imbunda zirasa kure.

Ay’amakuru anavuga ko mu rugamba rwa bereye mu bice bya Masisi, hariya Kironko, ihuriro ry’Ingabo z’ubutegetsi bwa Kinshasa zahunze amasigamana kugira ngo baramire amagara yabo, ni mu gihe ingabo ziyobowe na Gen Sultan Makenga zari zabasutseho urufaya rwa masasu.

               MCN.