Iran Yahamagariye Abanyamerika Guhitamo Amahoro
Perezida wa Iran yasohoye ibaruwa ndende igenewe abaturage ba Leta Zunze Ubumwe za Amerika mbere y’ijambo ritegerejwe rya , rigamije gusobanura aho igihugu cye gihagaze ku bibazo by’umutekano mpuzamahanga no ku makimbirane akomeje kwiyongera hagati y’ibihugu byombi.
Muri iyi baruwa, Perezida wa Iran agaragaza ko igihugu cye gifite amateka maremare arangwa n’umuco n’iterambere. Ashimangira ko, mu mateka ya vuba, Iran itigeze itangiza intambara, ahubwo ko yakunze kwisanga mu bihe byo kwirwanaho igihe cyose yabaga itewe. Yibutsa ko abaturage ba Iran badafite urwango ku Banyamerika cyangwa ku bandi baturage b’isi, ahubwo ko batandukanya neza abaturage n’ubuyobozi bwabo bwa politiki.
Akomeza anenga politiki za Leta Zunze Ubumwe za Amerika n’ibihugu biyishyigikiye, abishinja gukwirakwiza amakuru agamije kugaragaza Iran nk’umwanzi w’isi, mu rwego rwo gushaka impamvu zo kuyigabaho ibitero no kongera ibikorwa bya gisirikare mu karere. Yongeyeho ko Amerika ifite ibirindiro byinshi bya gisirikare bikikije Iran, ibintu avuga ko biha Tehran impamvu yo kongera ubushobozi bwayo mu rwego rwo kwirinda.
Agaruka ku mateka y’ingenzi yatumye umubano hagati y’ibihugu byombi wangirika, arimo , aho Leta Zunze Ubumwe za Amerika zagize uruhare mu gukuraho ubutegetsi bwariho muri Iran. Anibutsa kandi uruhare rwa Amerika mu gushyigikira ubutegetsi bwa mu gihe cy’, ndetse n’ibihano by’ubukungu byafatiwe Iran mu gihe kirekire. Ibi byose, avuga ko byarushijeho kongera icyuho cy’icyizere hagati y’impande zombi.
Nubwo ibyo bibazo byose byagiye bibangamira igihugu, Perezida wa Iran agaragaza ko Iran yakomeje gutera imbere mu nzego z’ingenzi zirimo uburezi, ubuvuzi n’ikoranabuhanga. Ashimangira ko abaturage bayo bakomeje kwihangana no kwiyubaka nubwo bahuye n’imbogamizi zikomeye.
Ku bijyanye n’intambara iriho muri iki gihe, agaragaza ko igira ingaruka zikomeye ku baturage basanzwe, zirimo gutakaza ubuzima, gusenyuka kw’ibikorwaremezo no kwiyongera k’urwango rushobora kumara igihe kirekire. Muri uwo murongo, abaza ikibazo gikomeye agira ati: “Ese iyi ntambara ifasha iki Abanyamerika?”
Perezida wa Iran kandi ashinja kuba iri gusunika mu makimbirane na Iran, mu nyungu zayo bwite z’umutekano n’imbaraga za politiki mu karere.
Mu gusoza ibaruwa ye, ashimangira ko isi igeze mu mahitamo akomeye: gukomeza inzira y’intambara ishobora guteza akaduruvayo gakomeye, cyangwa guhitamo inzira y’ibiganiro n’amahoro arambye. Ahamagarira Abanyamerika gutekereza ku ngaruka z’aya makimbirane no gushyigikira inzira y’amahoro aho gukomeza ubushyamirane
Iran ishimangira ko idashaka intambara, ko iri mu rwego rwo kwirwanaho, ikanenga politiki za Amerika n’abafatanyabikorwa bayo, mu gihe ihamagarira isi guhitamo inzira y’amahoro aho gukomeza intambara.
