Perezida Joe Biden wa leta Zunze Ubumwe z’Amerika yanduye COVID-19.
Ni amakuru yatangajwe bwa mbere n’ibiro bya perezida wa Leta Zunze Ubumwe z’Amerika (White House) bivuga ko Joe Biden yapimwe COVID-19, tariki ya 17/07/2024, ubwo yaragiye mu bikorwa byo kwiyamamaza i Las Vegas bakayimusangamo.
Gusa, ibi biro bivuga ko bamusanganye ibimenyetso bya COVID-19 bidakabije.
Umunyamabanga ushinzwe ibijanye n’itumanaho Karine Jean Pierre, yavuze ko Biden yahise asabwa gusubira murugo iwe i Delaware, ashyirwa mu kato kugira ariho akomereza akazi ke.
Ay’amakuru agiye hanze mu gihe yari yabanje gutangazwa mbere na perezida akaba n’umuyobozi mukuru wa Inidos muri Leta Zunze Ubumwe z’Amerika Janet Murguia, wari wabwiye abashyitsi bari mu ikoraniro ryaho bari bateraniye i Las Vegas ko perezida yamaze koherezwa kandi ko bicuza kuba atagishoboye kugaragara nk’uko byari biteganyijwe kubera ko yasanzwe yamaze kwandura.
Umuganga ushinzwe gukurikirana ubuzima bwa perezida Joe Biden, Dr O’Connor yavuze ko Biden ku gicamunsi yari yabanje kugaragaza ibimenyetso birimo guhumeka no gukorora bidasanzwe.
Dr Kevin O’Connor yakomeje avuga ko nyuma yo gupimwa COVID-19, bihutiye kumuha imiti igabanya ubukana ya Paxlovid kandi yatangiye kuyinywa.
Uyu mukuru w’igihugu cya leta Zunze Ubumwe z’Amerika byari bitaganijwe ko mu birori bya Inidos byabereye i Las Vegas ku gicamunsi cyo ku wa Gatatu mu rwego rwo guhuza abazamutora yiyamamaza mbere y’amatora yo mu kwezi kwa Cumi n’abiri uyu mwaka. Ibi ntibyabaye nk’uko byari bitaganijwe kuko yahise asubizwa iwe murugo i Rehoboth beach, aho azamara iminsi irindwi yitabwaho n’abaganga.
MCN.