Umubare w’abantu bishwe n’inyeshamba za ADF muri Ituri wamenyekanye.
Abasivile 20 nibo bishwe n’inyeshamba zo mu mutwe wa ADF urwanya ubutegetsi muri Uganda, babiciye mu bice byo muri Ituri ho mu Burasirazuba bw’igihugu cya Repubulika ya demokarasi ya Congo.
Aya makuru yemejwe n’ubuyobozi bw’ibanze, ubwo bwavuganaga n’ibiro ntara makuru by’Abafaransa AFP.
Uyoboye Polisi muri ako gace niwe wavuganye na AFP aho yemeje ko abo bantu bishwe bari babanje gufatwa matekwa mu gitero ADF yagabye ahitwa Babila Bambombi ku wa Kabiri.
Polisi itanga ubu buhamya yavuze ko mu bishwe barimo abagabo 16 n’abagore bane. Yavuze ko abandi bantu bashoboye gutoroka abo barwanyi ubu bakaba barimo kwitabwaho n’abaganga mu bitaro kuko bari batemaguwe.
Uyumutwe w’iterabwoba wa ADF urwanya ubutegetsi bwa Uganda, umaze imyaka irenga 30 ushinze ibirindiro mu Burasirazuba bwa Repubulika ya demokarasi ya Congo.
Uyu mutwe wemeye ku mugaragaro ko ukorana byahafi na leta ya kiyisilamu mu 2019. Ushinjwa kwica abasivile ba Banyekongo n’Abagande.
Imyaka ikabakaba itatu irashize ingabo z’igihugu cya Uganda zifatanije n’iza RDC mu kurwanya uyu mutwe w’iterabwoba washinzwe ahagana mu 1990.
MCN.