Ibyo Abanyamulenge bakorewe na FARDC mu Mikenke byavugishije benshi ku mbuga.
Ku mbugankoranyambaga zihuriyeho Abanyekongo bavuga ururimi rw’Ikinyarwanda, banenze bivuye inyuma ingabo za Repubulika ya demokarasi ya Congo (FARDC), nyuma yokubona amashusho yagiye hanze agaragaza uburyo abagabo 6 Babanyamulenge bakubiswe nabi kandi ari ntacyaha bashinjwa.
Aya mafoto agaragaza bariya bagabo bahambiriwe akandoyi, unabona barushe cyane, ingabo za FARDC zibari nyuma; ndetse zinabirukankana mu mihana y’Abembe mu Mikenke. Ari nako kandi abagore n’abana Babembe bagenda bamiriza.
Abo bagabo Babanyamulenge bakorewe ubwo bugizi bwa nabi barimo Mfashingabo, Kumuntu, umuhungu we, Bagaza n’abandi barimo umwungeri wabo.
Amakuru MCN yabashe guhabwa, avuga ko aba Banyamulenge bafashwe ahar’ejo tariki ya 30/11/2024, ni mu gihe bari bashoreye Inka zabo bazivanye mu Mikenke bakaba bari bazijanye mu Mikarati kuzisuhurira yo.
Ubwo bari bakiri hafi n’aho bari bavuye, ni bwo bahise bafatwa n’ingabo za RDC na Maï Maï.
Nyuma yo gufatwa bakorewe iyicarubuzo, baracanuguzwa, no kugira ngo barekurwe batanze Inka yo kwicunguza.
Ikibabaje babanyaze nutwo bari bafite, kuko batswe imyambaro bari bambaye n’inkweto, ariko baza kubarekura, gusa bari bahindutse ibikomere.
Ku mbugankoranyambaga, abenshi barimo batanga ubutumwa bwabo bagaragaje akababaro kabo ki byakorewe Abanyamulenge mu Mikenke.
Uwitwa Rehema yagize ati: “Birababaje, abagabo gukurubunwa hasi ntacyaha nakimwe bazira. Ziriya ntizari zikwiye kwitwa ingabo z’igihugu ni zitwe ikibandi cy’igihugu.”
Sebagabo na we yagize ati: “Akarengane na ryari mu Banyamulenge. Mana rengera ubwoko bwawe wiremeye. Abagabo kwambikwa ubusa nta cyaha na kimwe!!!”
Naho uwitwa John yagize ati: “Iyi Leta ibyo ikorera abavuga ururimi rw’Ikinyarwanda bigomba kwibazwaho inshuro. Naho ubundi ntibyoroshye!”
Guhohotera Abanyamulenge n’Abatutsi bose muri rusange mu Burasirazuba bwa RDC bikomeje kurushaho gufata indi ntera.
Bikaba bivugwa ko byatangiye mu mwaka w’ 1964, ariko bigeze mu 2017 biba bibi cyane kugeza uyu munsi.
