Umuvugizi w’igihugu ca Repubulika ya Demokarasi ya Congo, akaba na Minisitiri w’itumanaho, yashimye imitwe yitwaje imbunda igize ihuriro rya Wazalendo, asaba n’urundi rubyiruko kubaba hafi maze bakiyunga na Wazalendo.
Mu kiganiro n’abanyamakuru kuriki Cyumweru tariki 8/10/2023, Muyaya yavuze ko Wazalendo ikomeje kurinda ubusugire bw’igihugu ngo Kandi ika rwanya umutwe witwaje intwaro wa M23, bityo ko idakwiye kwitwa ihuriro ry’imitwe y’abagizi ba nabi.
Yagize ati: “Mu gihe abavandimwe bacu barinda ubutaka bwacu, ntabwo wabita imitwe y’abagizi ba nabi. Ni ngombwa kumenya ko ibice bakoreramo operasiyo byafashwe. Bigendanye n’umurongo watangiwe i Luanda mukwezi kwa cumi nakumwe (11) 2022, guverinoma iracyubahiriza ihagarikwa ry’imirwano.”
Muyaya yakomeje ahamagarira abandi kwiyunga kuri Wazalendo, ati: “Leta ya Congo iri gukurikiranira hafi ibiri kuba. Hashizweho uburyo bwo kugenzura abantu bifuza kujya mu nkeragutabara z’igisirikare.”
Uruhande rwa M23 ruravuga ko ruhanganye n’ingabo za RDC zifatanyije na Wazalendo, FDLR n’abacancuro, n’ubwo Muyaya we avuga ko nta ruhare Leta ifite muri iyi mirwano yatangiranye n’uku kwezi kwa Cyumi.
Muyaya asingije Wazalendo mu gihe abarwanyi b’iri huriro bavugwaho kwitwara nabi ku rugamba, nk’aho baherutse gutwika amazu menshi ku musozi wa Nturo muri Kilolirwe bavuga ko yari acumbitsemo abarwanyi ba M23, ariko ku rundi ruhande bikavugwa ko yari ay’abaturage b’Abatutsi.
By Bruce Bahanda.
Tariki 09/10/2023.
